Astanada 1-synypqa barýshylardyń kóptiginen 3 jańa mektep salynǵaly jatyr
ASTANA. QazAqparat - Elordanyń «Saryarqa» aýdanynyń ákimi oń jaǵalaýda jańa 4 mekteptiń salynatynyn aıtty, dep habarlaıdy QazAqparat.
«Bıylǵy oqý jylynda Astanada birinshi synypqa baratyn oqýshylardyń sany rekordtyq kórsetkishke jetti - 17 myń búldirshin. Onyń 9 myńy bizdiń aýdanǵa tıesili. Qala aýmaǵymen alǵanda, bul jalpy kórsetkishtiń jartysynan kóp. Statıstıkany eskere otyryp, Astana ákimi Áset Isekeshev bizdiń aýdanda 4 mektep salý týraly tapsyrma berdi. Onyń bireýi osy kúnniń ózinde paıdalanýǵa berilip qoıǵan», - dep jazdy Feısbýktegi paraqshasynda Arman Turlybek.
Onyń aıtýynsha, aýdandaǵy Qartaly jáne Oqjetpes, Abaı men Kúmisbekov, Oqjetpes pen Bókeev kósheleriniń qıylysynda árqaısysy 1200 oryndyq 3 mektep salynady. Jańa mektepterdi paıdalanýǵa berý 2018 jylǵa josparlanǵan.
«Kóktalda biz 375 oryndyq korrektsııalyq mektep-ınternatty paıdalanýǵa berdik. Qazir jalpy «Saryarqa» aýdanynda 34 mektep bar. Qala boıynsha 95 mektep bar», - dep jazdy ákim.
Eske sala keteıik, 20 aqpan kúni halyqpen eseptik kezdesý barysynda Astana ákiminiń orynbasary Ermek Amanshaev qalada bilim alýshylar ornynyń tapshylyǵy máselesi sheshigeli jatqanyn aıtqan edi.
