Astanada 1-synypqa qujat qabyldaý bastaldy
ASTANA. KAZINFORM — Astanada búgin qala boıynsha barlyq bilim berý uıymynda 1-synypqa qujat qabyldaý bastaldy. Bul týraly Astana qalasynyń ákimdigi málim etti.
Qujattar oflaın jáne onlaın formatta qabyldanyp jatyr. Onlaın qabyldaý júıesi turaqty jumys istep tur.
1-synypqa qabyldaý úshin qajetti qujattar tizimi:
• ata-anasynyń nemese zańdy ókiliniń ótinishi;
• № 065/ý nysanyndaǵy medıtsınalyq anyqtama;
• № 052-2/ý nysanyndaǵy balanyń densaýlyq pasporty;
• 3×4 sm ólshemindegi 2 fotosýret.
Qujat qabyldaý 27 mamyr men 31 tamyz aralyǵynda júzege asyrylady.
Aıta keteıik, buǵan deıin Oqý-aǵartý mınıstri Juldyz Súleımenova Úkimettegi brıfıngte oqýshylar úshin bólim boıynsha jıyntyq baǵalaý (BJB) men toqsandyq jıyntyq baǵalaýdy (TJB) alyp tastaý múmkindigine qatysty pikir bildirgen bolatyn.
