Astanada 1 myńnan astam sheteldik azamat ákimshilik jaýapkershilikke tartyldy
ASTANA. 21 mamyr. QazAqparat - Elordalyq polıtseıler «Zańsyz kelýshi» jedel-aldyn alý is-sharasynyń qorytyndylaryn shyǵardy.
Bul týraly Astana qalalyq ІІD-niń baspasóz qyzmetinen habarlady.
Shara barysynda 1139 ákimshilik zańbuzýshylyq anyqtaldy. Máselen, 1081 sheteldik azamat ákimshilik jaýapkershilikke tartyldy, ákimshilik sottyń sheshimimen 10 sheteldik el aýmaǵynan shyǵaryldy, al 188 shetel azamatynyń Qazaqstanda júrýge negizi bolmaǵandyqtan ýaqytsha júrý merzimi qysqartyldy. Sondaı-aq, kóshi-qon zańnamalaryn buzǵany úshin Qazaqstan Respýblıkasynyń 58 azamaty ákimshilik jaýapqa tartyldy. Olardyń 12-si sheteldik jumys kúshin zańsyz paıdalanǵany úshin aıypty dep tanyldy.
Atalǵan jedel-aldyn alý is-sharasy barysynda kóshi-qon zańnamalaryn kórineý buzǵandardy anyqtaý sharalary da belsendi júrgizildi.
Máselen, Astana qalalyq ІІD kóshi-qon polıtsııasy basqarmasynyń qyzmetkerleri 38 jastaǵy Reseı Federatsııasynyń azamatyn ustady. Ol el aýmaǵynan ketý jónindegi Astana qalalyq ákimshilik sotynyń ókimin qasaqana oryndamaǵan bolyp shyqty. Sol sebepti bul azamatqa qatysty QR QK-niń 330-1-baby boıynsha (QR Memlekettik shekarasyn qasaqana zańsyz kesip ótý) qylmystyq is qozǵaldy.
Sonymen qatar, shara barysynda elordalyq polıtseıler izdeýde júrgen 7 qylmyskerdi qolǵa túsirdi.
