Astanada 1 myńnan astam matematıka páni muǵalimi jetispeıdi
«Mektepterde negizinen orys tilinde oqytatyn bastaýysh synyp muǵalimderi - 2 720 maman, orys tili men ádebıeti páni muǵalimi – 680 maman, matematıka muǵalimi– 1 020, aǵylshyn tili – 1 360, orys tilinde oqytatyn hımııa jáne bıologııa muǵalimderi – 340 maman qajet. Sonymen qatar arnaıy bilimi bar mektepke deıingi mekemelerge 1 656 tárbıeshi kerek», - dedi Qasymhan Senǵazıev elorda ákimdiginde ótken qoǵamdyq keńes otyrysynda.
Odan bólek, basqarma basshysy elordada medıtsınalyq mamandyqtardy daıarlaý boıynsha 240 ótinishtiń kelip túskenin aıtty.
«Ótinishke sáıkes qalamyzǵa otbasylyq medıtsına boıynsha 78 maman, pedıatrııa – 14, akýsherııa jáne gınekologııa - 17, eresekter men balalardyń anestezıologııasy jáne reanımatologııasy - 15, fızıkalyq medıtsına jáne ońaltý - 15 jáne basqa da mamandar daıarlaý qajet. Sondaı-aq, dene shynyqtyrý jáne sport basqarmasynyń ótinishi boıynsha 50 maman daıarlaý qajettigi týyndap otyr. Sol sekildi din isteri basqarmasynan 15 oryn belgilendi. Onyń ishinde ıslamtaný, dintaný mamandaryn ázirleý qajet», - deıdi ol.
Buǵan deıin Q. Senǵazıev aldaǵy 5 jyl ishinde Nur-Sultan qalasynda 1 myń pedagog daıarlaý týraly málimdegen edi.