Astanada 1 myńnan astam ana sábıine týberkýlezge qarsy vaktsına salǵyzǵysy kelmeıdi

ASTANA. QazAqparat – Elordada jańa týǵan nárestelerdiń 90,8%-y týberkýlez ınfektsııasyna qarsy vaktsına alǵan. Bul týraly Astana qalasy sanıtarlyq-epıdemııalogııalyq baqylaý departamenti basshysynyń orynbasary Janna Pralıeva málim etti, dep habarlaıdy QazAqparat tilshisi.

«Ótken jyldyń qorytyndysy boıynsha jańa týǵan nárestelerdiń 90,8%-y týberkýlez ınfektsııasyna qarsy vaktsına aldy. 5,8%-na medıtsınalyq sebeptermen ekpe egilmedi. Odan bólek, 1048 sábıdiń nemese 3,1%-na anasynyń qarsy bolýy sebepten týberkýlez vaktsınasy salynbady», – dedi Janna Pralıeva Astana qalasy kommýnıkatsııalar qyzmeti alańynda ótken baspasóz máslıhatynda.

Onyń málimetinshe, 6-7 jastaǵy balalardyń 96,1%-y týberkýlez ınfektsııasyna qarsy revaktsınatsııalandy.

«Medıtsınalyq sebepterge baılanysty 3,2% bala ekpe almady jáne 73 balanyń ata-anasy týberkýlezge qarsy vaktsına salýǵa ruqsat bermedi. Vaktsına almaǵan balalardyń ınfektsııa juqtyrý qaýpi birneshe ese joǵary. Sondyqtar ata-analardy týberkýlezge qarsy ekpeden bas tartpaı, ýaqytyly alýǵa shaqyramyz», - deıdi departament basshysynyń orynbasary.

Sondaı-aq, brıfıng barysynda Astana qalasy ákimdiginiń qoldaýymen Qoǵamdyq densaýlyq saqtaý basqaramasy jáne vedomstvoaralyq uıymdardyń birlesken 24 aqpan men 24 naýryz aralyǵynda «Biz týberkýlezdi jeńe alamyz» degen ataýmen aılyq ótti.

Buǵan deıin týberkýlez juqtyrǵan astanalyqtardyń 53,9%-y eńbekke qabiletti jasta ekeni týraly habarlaǵan edik.