Astanada 1 mln. teńge urlaǵan úsh jigit ustaldy - ІІD
ASTANA. QazAqparat - Astanada jol-patrýldik polıtsııasynyń qyzmetkerleri esik aldynda turǵan kólikten iri somadaǵy aqshany urlaǵan 20-29 jas aralyǵyndaǵy 3 adamdy ustady, dep habarlady ІІD baspasóz qyzmetinen.
«Aqmola oblysynyń turǵyndary aýlada turǵan kólikten 1 mln. 200 myń teńge qarajatty qoldy etip, kýágerlerdiń aıtýynsha, «Mıtsýbısı» markili kóligimen iz sýytqan»,delingen habarlamada.
Qaladan shyǵar jolda jol-patrýldik polıtsııa qyzmetkerleri «BMV» markili kóliginiń qujatyn tekserip, seziktige uqsaıtyn 3 jolaýshyny anyqtaǵan. «Tintý barysynda jolaýshylardan 1 mln. teńgeden astam qarajat pen «Mıtsýbısı» kóliginiń kilti tabyldy. Tergeý kezinde olar kinásin moıyndady. Olar «Mıtsýbısı» kóligin ádeıi qaldyryp, «BMV» markili taksı kóligine otyrǵanyn aıtty», - dep túsindirdi qalalyq ІІD.
Tirtip saqshylary aıǵaq zattardy tárkiledi. Kúdiktiler Astana q. ІІD ýaqytsha ustaý ızolıatoryna qamaldy. Atalǵan fakt boıynsha QR QK 175-babyna sáıkes qylmystyq is qozǵaldy. Qazirgi ýaqytta tergeý amaldary júrgizilýde.
