Astanada 1 mln sharshy metrden astam turǵyn úı salyndy
ASTANA. QazAqparat - Ústimizdegi jyldyń jeti aıynda paıdalanýǵa berilgen turǵyn úılerdiń jalpy aýdany 1 311 645 sharshy metrdi qurady, bul 2015 jylǵy qańtar-shildedegi deńgeıden 23,4%-ǵa joǵary. Barlyq qarjylandyrý kózderiniń esebinen 11 987 páterlik turǵyn úı tapsyryldy.
Astana qalasy statıstıka departamentiniń málimetinshe, jeke salýshylarmen jalpy aýdany 112 140 sharshy metrlik turǵyn úı salynǵan, bul ótken jyldyń sáıkes merzimimen salystyrǵanda 3,7 esege artyq. Turǵyn úılerdi paıdalanýǵa berýdiń jalpy kóleminde jeke turǵyn úı qurylysynyń úlesi 8,5%-dy qurady, 2015 jylǵy qańtar-shildede 2,8%-dy quraǵan bolatyn.
2016 jyldyń jeti aıynda turǵyn úı qurylysyna baǵyttalǵan ınvestıtsııalar kólemi 74 144,8 mln teńgeni qurady, bul 2015 jylǵy qańtar-shildedegi kórsetkishterdiń 99%. Negizgi kapıtalǵa salynǵan ınvestıtsııalardyń jalpy kóleminde turǵyn úı qurylysynda ıgerilgen qarajat úlesi 19,3%-dy qurady, dep habarlaıdy elorda ákimdiginiń baspasóz qyzmetinen.
