Astanada 1 mıllıonnan astam túp jasyl jelek egý josparlanyp otyr - Jeńis Qasymbek
ASTANA. KAZINFORM – Memleket basshysyna elordany kógaldandyrý jáne abattandyrý jospary tanystyryldy, dep habarlaıdy Aqordanyń baspasóz qyzmeti.
Jeńis Qasymbek bıyl Astana qalasynda 1 mıllıonnan astam túp jasyl jelek egý josparlanǵanyn aıtty. Sonymen qatar 180-nen asa qoǵamdyq keńistik pen aýlany abattandyrý kózdelip otyrǵanyn jetkizdi.
Atalǵan jumystar shahardyń tarıhı kóshelerinde, Prezıdent saıabaǵynda, Úkimet úıiniń aınalasynda, Esil ózeniniń jaǵalaýynda, «Myńjyldyq» alleıasynda, Trıatlon parkinde, Greenline býlvarynda, Jelilik saıabaqta, vokzal mańy men Illıýzııa parkinde, Syǵanaq, Sh.Qaldaıaqov, Gete, Birjan sal jáne basqa da kóshelerdiń boıynda júrgiziledi.
Sondaı-aq Aqbulaq ózeniniń arnasyn tazalaý jalǵasady. Kelesi aıda «Qazaqstan» sport keshenin jańǵyrtý jumystary bastalady.
Astanada aǵashtardy qujattandyrý jáne tsıfrlandyrý arqyly esepke alý sharalary qolǵa alynady. Qala turǵyndary QR kodtyń kómegimen aǵash týraly aqparat alyp, oǵan qatysty másele týyndasa tıisti organdarǵa habarlaý múmkindigine ıe bolady.
Osyǵan deıin Memleket basshysynyń «Jastar» saıabaǵynda aǵash ekkeni týraly jazdyq.