Astanada 1 maýsymda kóshe basketbolynan Álem chempıonaty bastalady
Bul týrnırge álemniń 30 elinen 200-en astam sportshy jáne Qazaqstan komandasy qatysady.
Belgili bolǵandaı, oıyndar «Astana Opera» teatry ǵımaratynyń janyndaǵy alańda ótkiziledi. Al alań syrtynda kıiz úıler tigilip, ulttyq taǵamdar usynylady.
Sonymen atalǵan týrnırdi 30 myńnan astam kórermen tamashalaıdy dep kútilýde. Matchtardyń tikeleı translıatsııasyn Kazsport telearnasynan jáne FIBA-nyń Youtube-gi resmı kanalynan kórýge bolady.
Ulttyq basketbol federatsııasynyń prezıdenti Abaı Alpamysovtyń sózine qaraǵanda, Qazaqstan tarapy eki komandany daıarlap otyr.
Eilimiz jigitteriniń quramasy Rýmynııa, Indonezııa, Italııa jáne Qatar komandalarymen «S» tobynda kúsh synasatyn bolady. Al qyzdar «V» tobynda Nıderlandy, AQSh, Italııa, Polsha komandalarymen kezdesedi.