Astanada 1 maýsym kúni «Báıterek» monýmenti ashylady
ASTANA. QazAqparat - «Báıterek» monýmentiniń ákimshiligi jóndeý jumystaryn aǵymdaǵy jyldyń 1 maýsymyna qaraı aıaqtaýdy josparlap otyr, dep habarlaıdy «QazAqparat» HAA tilshisi.
Bul týraly «Astana Báıterek» JShS-nyń dırektory Murat Saparǵalıev málim etti. «Nysannyń iske qosylatyn merzimi - aǵymdaǵy jyldyń 1 maýsym kúni. Biz qurylys materıaldaryn, atap aıtqanda mármár men shynyǵa tapsyrys berdik. Olar erteń nemese búrsigúni qalaǵa jetýi tıis. Monýmenttiń ishki bóligi tolyqtaı syrlandy, qazir syrtqy jaǵyn boıap jatyr. Materıaldar ýaqtyly kelse bolǵany», - dedi ol.
Saparǵalıev atap ótkendeı, monýmenttiń ishi ózgerissiz qalady.
«Bul qaıta qurastyrý emes, bul - kúrdeli jóndeý jumysy. Biz tek monýmentti tolyqtaı jańartamyz. Mysaly, keramogranıtti mármárǵa aýystyramyz», - dep túsindirdi ol.
Onyń aıtýynsha, bul 2002 jyldan beri Báıterekke jasalǵan alǵashqy jóndeý jumysy. Ol «Báterektiń» sýmen jabdyqtalyp, lıfttik shahtadaǵy áınekterdiń aýystyrylyp jatqanyn habarlady. Sonymen qatar, taıaý kúnderi vıdeobaqylaý kameralary ornatylady.
