Astanada 1 mamyrda ótetin merekelik is-sharalar baǵdarlamasy
ASTANA. 30 sáýir. QazAqparat - 1 mamyrda elorda turǵyndary men qonaqtary úshin Qazaqstan halqynyń birligi merekesine arnalǵan kóptegen merekelik is-sharalar josparlanǵan. Otandyq estradanyń juldyzdary men Astana qalasynyń shyǵarmashylyq ujymdary qatysatyn festıvalder men kontsertter, sporttyq jarystar men túrli kórmeler, qalalyqtardyń kóńil-kúıin kóterýge arnalǵan jármeńkeler uıymdastyrylady.
Bul týraly astana.kz saıty habarlady.
Merekeniń ortalyǵy - «Qazaq eli» monýmenti aldyndaǵy alańda qurylǵan 3 sahnada oıyn-saýyq kontserttik baǵdarlamasy ótedi.
Negizgi sahnada 11.00-den 14.00-ge deıin qalanyń shyǵarmashylyq ujymdarynan 2 000-nan astam ártis qatysady. Kontsertke: «Rin'Go», Mádına Sadýaqasova, Parvız Nazarov, Edil Qusaıynov, Álisher Kárımov, Almaz Kishkenbaev, Marjan Arapbaeva, «Dervıshı» sııaqty tanymal otandyq toptar men ánshiler qatysady. Sonymen qatar bas sahnada Grýzııanyń ulttyq baleti, Ózbekstan men Reseıdiń bı ujymdary, ózbek estradasynyń juldyzy Sevara Nazarhan, taǵy da basqa kóptegen ártister óner kórsetpek.
Kishi sahanada 12.00-den 18.00-ge deıin elordanyń etnomádenı birlestikteri ózderiniń kontserttik baǵdarlamalaryn usynady.
Astananyń basty alańyndaǵy merekelik is-sharaǵa 100 000-nan astam adam qatysady dep josparlanǵan.
Sondaı-aq, sporttyq jarystar (arqan tartý, qol kúresi, kir tasyn kóterý, toǵyzqumalaq, basqa da sport túrleri) ótkizýge 2 alań qoıylǵan;
20 saýda shatyrynda azyq-túlik taǵamdarynyń bólshek saýdasy júredi. Sonymen qatar, elorda meıramhanalary merekege kelýshiler úshin etonostardyń ulttyq taǵamdarynan dám usynýy da qarastyrylǵan.
1 mamyrda 12.00 saǵatta elordalyq «Naz» teatrynda Qazaqstan halqynyń birligi kúnine arnalǵan kontsert ótedi. Kontsertte kúrd, uıǵyr, bolgar etnomádenı ortalyqtarynyń shyǵarmashylyq teatry ujymy men ardagerler hory óner kórsetedi.
1 mamyrda 10.00-de «Atameken» Qazaqstan kartasy» etno-memorıaldyq kesheniniń maýsymdyq ashylýyna arnalǵan «Birlik túbi - bereke» kontserti ótedi.
Budan basqa bul kúni «Barys» SK-da balalardyń «Astana» HK komandasy men Aqmola oblysynyń «Aqkól» komandasy arasynda shaıbaly hokkeıden joldastyq kezdesý qaıyrymdylyq aktsııasy uıymdastyrylady.
Sol kúni 19:00-de «Saryarqa» respýblıkalyq velotreginde «Astana» BK - «VEF» BK arasynda basketboldan Biryńǵaı lıgada pleı-off serııasy ótedi.
