Astanada 1 mamyr merekesine oraı 600-ge jýyq jalǵyzbasty zeınetkerge materıaldyq kómek kórsetiledi
Astanada Qazaqstan halqynyń birligi kúnine oraı 594 jalǵyzbasty zeınetkerge bir rettik aqshalaı tólem jasalady. Bul týraly astana.kz saıtyna elordalyq Jumyspen qamtý jáne áleýmettik baǵdarlamalar basqarmasynan habarlady.
«Qazaqstan halqynyń birligi kúnine oraı jalǵyzbasty zeınetkerlerge, Ardagerler keńesiniń turaqty jumys isteıtin komıssııa múshelerine jergilikti bıýdjet qarjysynan bir rettik aqshalaı tólem jasalady», - delingen habarlamada.
Jalpy kólemi 1 782 000 teńgelik tólemder 25 mamyrdan keıin beriledi.
Aıta keteıik, Qazaqstan halqynyń birligi kúnine oraı qalalyq vedomstvoǵa qarasty mekemelerde zeınetkerler men ardagerlerge arnalǵan merekelik is-sharalar ótkiziledi.
