Astanada 1 mamyr merekesinde karantın buzǵan kafe-barlar jabylýy múmkin
Olardyń quramyna sanıtarııalyq-epıdemıologııalyq baqylaý basqarmasynyń ókilderi, ákimdik qyzmetkerler, volonterler men elordalyq polıtseıler kiredi.
Máselen, mamyr aıynyń mereke kúnderinde 70 kásipkerlik nysan tekserilip, 22 karantın buzýshylyq anyqtaldy.
Bas sanıtar dárigerdiń qaýlysyndaǵy eskertý sharalaryna qaramastan, elorda turǵyndary men qonaqtary oıyn-saýyq oryndaryna áli de barýda.
Bos ýaqytyn dostarymen birge ótkizip, saldaryn oılamaıdy ári sanıtarlyq talaptardy elemeıdi.
Tekserý barysynda túngi ýaqytta kalıan qyzmetterin usynǵan, sanıtarlyq normalardy buzǵan resto-barlar men klýbtardyń jumysy anyqtaldy.
Saǵat 00.50-de Qorǵaljyn tasjoly boıyndaǵy «D-51» resto-barynda 70-ke jýyq adam demalyp otyrǵan.
Qabanbaı batyr dańǵylyndaǵy «INFORNO» meıramhanasynda saǵat 23:43-te 60 adam bolǵan, oǵan qosa meıramhana klıentterge kalıan usynǵan.
Tártip buzýshylarǵa qatysty QR ÁQBtK 441-baby boıynsha ákimshilik hattama toltyrylyp, aıyppul salyndy.
Sonda-aq sol reıd barysynda monıtorıng toptary buǵan deıin de birneshe ret jaýapqa tartylǵan oıyn-saýyq mekemeleriniń karantın rejımin buzǵanyn anyqtady.
Qoldanystaǵy tyıymdarǵa qaramastan, «Ray bar», «VaoVao», «PeiZdes» jáne «INCOGNITO» mekemeleriniń ákimshiligi kelýshilerge qyzmet kórsetýdi jalǵastyrýda.
Karantın rejımin buzýshylarǵa qatysty jınalǵan materıaldar QR ÁQBtK 425-baby boıynsha ákimshilik jaýapkershilikke tartý úshin ýákiletti organǵa jiberildi.
Nur-Sultan qalasynyń mamandandyrylǵan aýdanaralyq ákimshilik soty olardyń qyzmetin toqtata turý týraly máseleni qarastyryp jatyr.
Nur-Sultan qalasynyń polıtsııa departamenti zań buzýshylar qoldanystaǵy zańnamaǵa sáıkes jaýapqa tartylatynyn eskertedi.
Polıtsııa qyzmetkerleri adamdar kóp jınalatyn jerlerde karantın rejımin saqtaý týraly túsindirý jumysyn jalǵastyryp jatyr.
