Astanada 1 qyrkúıekte 12 myńǵa jýyq bala mektep tabaldyryǵyn alǵash attaıdy
ASTANA. 13 tamyz. QazAqparat - Bıyl 1 qyrkúıek - Halyqaralyq bilim kúni jeksenbi kúnine kelip tur. Degenmen, elordanyń barlyq mektebinde oqýshylar men muǵalimderdiń qatysýymen saltanatty jıyndar, merekelik is-sharalar uıymdastyrylady.
Budan basqa, jergilikti mektepterde «Patrıotızm sabaqtary» ótedi.
Astanada jańa oqý jylynda 12 myńǵa jýyq bala birinshi synypqa barady. Bul týraly astana.kz saıtyna qalalyq Bilim basqarmasynan habarlady.
«Bıyl 1 synypqa 12 myńǵa jýyq bala barady. Qazirgi ýaqytta 11 163 adamnan ótinish kelip tústi», - delingen vedomstvo málimetinde.
1 qyrkúıekte Astanada ornalasqan 82 mekteptiń bári esigin aıqara ashady. Atap aıtqanda, 70 memlekettik jáne 12 jeke menshikti mektep. Onda 86 663 oqýshy bilim alady.
Bilim basqarmasynyń habarlaýynsha, qaladaǵy jalpy bilim berý ordalarynda 5609 pedagog qyzmet etedi.
