Astanada 1 kóshe qıylysynda 2 iri jol apaty boldy
ASTANA. QazAqparat - Búgin túnde Astanada Bógenbaı batyr dańǵyly men Beıbitshilik kósheleriniń qıylysynda 2 iri jol-kólik apaty oryn aldy, dep habarlaıdy QazAqparat.
Astana qalalyq ІІD baspasóz qyzmetiniń aqparatyna qaraǵanda, 23 naýryz kúni túngi saǵat 23:05-te «Suzuki» kóligin tizgindegen 21 jastaǵy qyz Bógenbaı batyr dańǵylymen kele jatyp, Beıbitshilik kóshesine solǵa burylǵan kezde «Toyota» kóligine soǵylǵan. Ekinshi kólikti júrgizip kele jatqan 1996 jyly dúnıege kelgen júrgizýshi qarsy baǵytta tik kele jatqan. 
Jol apaty saldarynan eki kóliktiń de júrgizýshisi jáne olardyń 1994, 1991 jyly dúnıe kelgen jolaýshylary túrli dene jaraqatymen aýrýhanaǵa jetkizilgen. Bul fakti sotqa deıingi tergeýdiń biryńǵaı tizilimine tirkelip, sáıkesinshe saraptamalar taǵaıyndalǵan. 
Sonymen qatar 24 naýryz kúni túngi saǵat shamamen 01:30-da dál sol kóshe qıylysynda taǵy da jol apat oryn aldy. Bul joly «Mersedes» jáne «Shkoda» kólikteri soqtyǵysyp qaldy. Jol apaty saldarynan jaraqat alǵan «Mersedes» kóliginiń 1988 jyly dúnıege kelgen júrgizýshisi aýrýhanaǵa jatqyzyldy. Al ekinshi kóliktiń júrgizýshisi medıtsınalyq tekserýden keıin úıine jiberildi. Atalǵan fakti sotqa deıingi tergeýdiń biryńǵaı tizilimine tirkeldi.
