Astanada 1 qazanǵa qaraǵan túni barlyq velosıped buǵattalady
ASTANA. KAZINFORM — 30 qyrkúıekte qalalyq velosıpedterdi jalǵa berý maýsymy resmı túrde aıaqtalady, dep habarlaıdy City Transportation Systems kompanııasynyń baspasóz qyzmeti.
— Barlyq stantsııadaǵy velosıpedter 30 qyrkúıekten 1 qazanǵa qaraǵan túni saǵat 00:00–de buǵattalady. Osydan keıin velosıpedterdi jalǵa alý múmkin bolmaıdy, — delingen habarlamada.
Vedomstvo atap ótkendeı, abonenttik tólem kelesi maýsymǵa saqtalmaıdy, tek teńgerimdegi qarajat kelesi maýsymǵa aýystyrylady.
— Qalasańyz, teńgerimde qalǵan qarajatty R. Qoshqarbaev dańǵyly, 50/1 mekenjaıyndaǵy CTS Ortalyq kassasynan qaıtaryp alýǵa bolady, — delingen habarlamada.
Budan buryn ІІM óńirlerde velosıped ınfraqurylymyn damytý máselesi sheshilmeı otyrǵanyn aıtqan edi.
