Astanada 1-9 synyp oqýshylary úshin sabaq bolmaıdy
ASTANA. 11 jeltoqsan. QazAqparat - Astana qalasy mektepterinde birinshi aýysymda oqıtyn 1-9 synyp oqýshylary úshin sabaqtar bolmaıdy.
Bul týraly «169» anyqtama qyzmetinen málim etti.
Osy ýaqytta temperatýra baǵany -29 gradýs aıazdy kórsetip tur.
Eske salaıyq, oqý jylynyń qysqy kezeńinde oqýshylardyń qaýipsizdigi men densaýlyǵyn saqtaý maqsatynda 1-4 synyptarda aýanyń temperatýrasy -25 gradýs jáne odan tómen bolǵanda; 1-9 synyptarda aýanyń temperatýrasy -30 gradýstan tómen bolǵanda; 1-11(12) synyptarda, kásiptik lıtseılerde, kolledjderde (1-2 kýrs oqýshylary úshin) - 35 gradýstan tómen bolǵanda Astana qalasy ákimdigimen kelisilgen bilim uıymdarynda sabaqty toqtatýdyń parametrleri belgilengen bolatyn.
Sabaqty toqtatý týraly aqparat:
- «31 - kanal» teledıdar arnasynyń júrgirtpe jolynda saǵat 6.30-ten 8. 00-ge deıin (birinshi aýysym úshin) jáne 12.15-ten 13.00-ge deıin (ekinshi aýysym úshin) beriledi;
- sondaı-aq sabaqty toqtatý týraly aqparatty 118-01 (9. 00 den - 18. 00 ge deıingi aralyqta), 169 (aqyly) qyzmeti telefondarynan alýǵa bolady.
- ata- analar úshin balalary oqıtyn mekteptiń kezekshi telefonyna, synyp jetekshisine, mektep ákimshiligine habarlasýǵa bolady.
