Astanada 1-4 synyp oqýshylary tegin tamaqpen qamtamasyz etiletin bolady
Búgin elordanyń 2017 jylǵa arnalǵan bıýdjeti 372 mlrd 868 mln teńge kóleminde bekitildi, sonyń ishinde respýblıkalyq bıýdjetten bólinetin transfertter men nesıeler - 153,4 mlrd teńge, jeke kirister 212,6 mlrd. teńgeni quraıdy.
Máslıhattyń kezekti sessııasynda «Astana qalasynyń 2017-2019 jyldarǵa arnalǵan bıýdjeti týraly» baıandamasyn A. I. Lýkın tanystyrdy. Astana qalasynyń 2017-2019 jyldarǵa arnalǵan bıýdjeti elordanyń bes jylǵa áleýmettik-ekonomıkalyq damý boljamynyń negizinde ázirlendi (2016-2021 jyldar).
Bıýdjette bilim salasyna shyǵyndar qarastyrylǵan, sonyń ishinde 1-4 synyp oqýshylaryn tegin tamaqpen qamtamasyz etý, elordanyń barlyq JOO men kolledjderinde kúndizgi bólimde oqıtyn stýdentterdi qoǵamdyq kólikpen jeńildikpen júrý múmkindigimen qamtamasyz etý, densaýlyq saqtaý salasyna, áleýmettik kómekke jáne mádenıet, dene shynyqtyrý jáne sportty qamtamasyz etýge, turǵyn úı-kommýnaldyq sharýashylyqty damytýǵa, otyn-energetıkalyq keshendi damytýǵa, kólik jáne kommýnıkatsııaǵa shyǵyndar qarastyrylǵan.
Sessııa jumysyna Astana qalasy ákiminiń orynbasary A. Lýkın, qalalyq departamentter men basqarmalardyń basshylary, qoǵamdyq birlestikterdiń jáne BAQ ókilderi qatysty.