Astanada 1-4 synyp oqýshylary tegin tamaqpen qamtamasyz etiledi
ASTANA. QazAqparat - Qalalyq máslıhattyń 56-shy sessııasynyń kún tártibine Astana qalasynyń 2015 jylǵa arnalǵan bıýdjetine ózgerister engizý týraly másele engizildi. Máslıhat otyrysyna Astana qalasy ákiminiń orynbasary Andreı Lýkın qatysty, dep habarlaıdy elordanyń resmı saıty.
Osy másele boıynsha Astana qalasynyń Ekonomıka jáne bıýdjettik josparlaý basqarmasynyń basshysy Janat Nurpeıisov baıandama jasady. Bıýdjettik qarajatty ıgerýdi monıtorıngteý negizinde basqarmalar arasynda qaıta bólý jolymen jeke bıýdjettik baǵdarlamalar boıynsha jyldyq josparlyq taǵaıyndaýlardy qaıta qarastyrý týraly usynystar engizildi. Qalalyq máslıhattyń sheshimimen elordanyń 2015 jylǵa arnalǵan bıýdjetiniń jalpy kólemi 358 mlrd 190 mln teńgeni qurady.
Elordanyń áleýmettik kórsetkishiniń ósýi qalalyq bıýdjet josparynyń oryndalýyna áser etti. Aǵymdaǵy jyldyń qańtar-tamyzyna deıin jergilikti bıýdjetke 120 mlrd 200 mln teńge túsken. Jospar asyra oryndalyp, 5,4 mlrd teńgeni qurady.
Astana qalasynyń Bilim basqarmasyna bıýdjetten 1 mlrd. 162 mln teńge, onyń ishinde 1-4 synyp oqýshylaryn tegin tamaqpen qamtamasyz etýge - 1 mlrd. 93 mln teńge bólinedi. Bir adamǵa kúnine 268 teńge bólinedi. 21 mln teńge mektepterdi avtonomdy jylytýǵa dızel janarmaıyn satyp alýǵa, al qalǵan qarajat oqýlyqtarǵa bólinedi.
Sondaı-aq, Astana qalasynyń Jumyspen qamtý jáne áleýmettik baǵdarlamalar basqarmasyna Qarttar kúnine oraı bir rettik tólem jasaý úshin 60 mln teńge bólindi. Densaýlyq saqtaý basqarmasyna 2015 jylǵa 355 mln teńge qarastyryldy, qan men onyń quramyn óndirýge - 95 mln teńge, dári-dármekter satyp alýǵa - 200 mln teńge jáne jańadan berilgen eki medıtsınalyq ortalyqqa - 60 mln teńge bólinedi. Sondaı-aq áleýmettik mańyzdy nysandarǵa kireberis joldaryn jóndeýge 188 mln teńge jáne «Buslane» joldaryn jasaý úshin - 200 mln teńge, sondaı-aq «Astana LRT» baǵdarlamasyn júzege asyrýǵa 1 mlrd 66 mln teńge qarajat qarastyryldy.
Sonymen qatar, máslıhat sessııasynda elordanyń qurylysyna, qalyptastyrýǵa jáne damytýǵa qosqan zor úlesi úshin «Stroıkonstrýktsııa» AQ Prezıdenti Vıktor Býllerge «Astana qalasynyń qurmetti azamaty» ataǵy berildi.
