Astanada 1-11-synyp oqýshylary men 1,2-kýrs kolledj stýdentteri úshin sabaqtar ótkizilmeıdi
ASTANA. 19 jeltoqsan. QazAqparat - Elordada aýa raıynyń buzylýyna oraı birinshi aýysymda oqıtyn 1-11-synyp oqýshylary men 1,2-kýrs kolledj stýdentteri úshin sabaqtar ótkizilmeıdi. Bul týraly astana.kz saıtyna qalalyq Bilim basqarmasynan habarlady.
«Qazgıdromet» RMK habarlaýynsha, aýa temperatýrasy túnde -10;-12°C bolsa, kúndiz -5;-7°C bolady. Jeldiń jyldamdyǵy 17-25 m/s, qar jaýady, boran.
Eske salaıyq, 1-4-synyptarda aýanyń temperatýrasy -25 gradýs bolǵanda; al 1-9-synyptarda aýanyń temperatýrasy -30 gradýstan tómen bolǵanda; Joǵary synyp oqýshylary men kolledj stýdentteri (1-2-kýrs) úshin - 35 gradýstan tómen bolǵanda Astana qalasy ákimdigimen kelisilgen bilim uıymdarynda sabaqty toqtatýdyń parametrleri belgilengen bolatyn.
