AstanaArtFest ónerdiń jańa býynyn biriktiredi

Sharaǵa shyǵarmashylyq zııaly qaýym, óner áleminiń túrli baǵyttary men janrlarynyń ókilderi, mýzykanttar, horeograftar jáne ǵalymdar jınalady. Atalmysh shara qonaqtar men qatysýshylar úshin erekshe merekelik tartý bolmaq. Olar ózara tájirıbe almasyp, jańalyqtarmen, jańa úrdistermen, qazirgi zamanǵy baǵyttarmen jáne jańa art-tehnologııalarmen tanysady. Shildeniń 4-i men 6-sy aralyǵynda festıval alańynda ashyq aspan astynda biregeı ınstallıatsııalar men teatrlandyrylǵan perfomanstar, sandyq óner pavılondary jáne ónerkásiptik dızaın, ashyq Art Forým jáne Medıapoezııa zerthanasy jumys isteıdi, sáýletshiler men medıa-sýretshilerdiń kórmeleri ótip, dıdjeıler men bıshiler óner kórsetedi.

Qatysýshylardyń basym bóligi elordaǵa Qazaqstannyń túkpir-túkpirinen keledi, budan basqa, taıaý sheteldik sheberler de óz eńbekterin kórsetedi. Atap aıtqanda, ádemi músinder, balalar alańdary. Barlyq obektiler astanalyqtardy jaz boıy qýantatyn bolady.

Sharaǵa nıet bildirgenderdiń barlyǵy qatysa alady. Ol úshin aldymen dızaın, qazirgi zamanǵy óner, sáýlet, mýzyka jáne teatr sanattary boıynsha avtorlyq jobamen aldyn ala ótinim berý kerek. Ótinimder jyl basynan beri qabyldandy. Usynylǵan 300 jumystyń ishinen sońynda festıval kórkin keltiretin 50-ge jýyǵy iriktep alyndy.

- Festıval - árqashan da úlken daıyndyqty qajet etetin jumys. Astana Art Fest sharasyn kýratorlardyń kásipqoı komandasy daıyndap jatyr, biz shyǵarmashylyq jumystardyń úlken konkýrsyn ótkizdik. Bıyl bári qatyspasa da, bul áli basy ǵana dep oılaımyn. Bizde talantty adamdar bar, biz olarǵa qoldaý kórsetýge tyrysamyz. Astana ákimdiginiń paıymdaýynsha, jobanyń áleýeti zor. Qazirgi zamanǵy óner festıvali jyl saıyn ótkizilip, elorda úshin mańyzdy shara bolyp qalatynyna úmittenemiz, - deıdi festıvaldi uıymdastyrýshy Maıra Izmaılova.

Festıvaldiń ár kúni qonaqtar úshin qyzyq bolmaq, munda pikirtalas, perfomans-shoý, teatrlandyrylǵan ınstallıatsııalar,óner álemindegi tanymal tulǵalarmen kezdesýler jáne t.b. ótkiziledi. Sharanyń qurmetti qonaqtarynyń ishinde reseılik medıasýretshiler - Alekseı Shýlgın, Arıstarh Chernyshev, Ildar ıAkýbov jáne Vasılıı Sýmın bar.

Uıymdastyrýshylar jyl saıyn jańa tosyn syılar ázirleıdi. Bıylǵy festıvaldiń jańalyǵy - medıapoezııa zerthanasy. Kórermender sóz ben mýzykany biriktiretin jarqyn ımprovızatsııalardy tamashalaıdy.

Memlekettik jáne táýelsiz otandyq teatrlar blogy adamdardy óz erekshelikterimen tańǵaldyrmaq. Aıta keteıik, barlyq ınstallıatsııalar aldaǵy EKSPO-2017 kórmesiniń jáne onyń komponentteriniń - sý, kún jáne aýa energııasy taqyrybynda jasalady. Alańǵa qoıylǵan osy stıhııalardyń sımvoldary - Táńiri men Qasqyrdyń boıshań qýyrshaqtary qonaqtardy qýantatyn bolady.

Kórermender ınteraktıvti shyǵarmashylyq perfomanstardy tamashalaıdy. Onda kún sáýlesiniń kómegimen faneraǵa túrli-tústi sýretter salynady. Aıta keteıik, shara barysynda kez kelgen adam osylaı sýret sala alady.

«ARTıShOK» Qazaqstandaǵy alǵashqy táýelsiz teatry birden eki perfomans usynady - mobıldik «Ulan-ǵaıyr dala sýbmarınasy» jáne statsıonarlyq «Naǵyz Astanalyq». Sońǵysy astanalyqtardyń tynys-tirshiliginiń qarqyndylyǵyna arnalatyn bolady.

Al respýblıkalyq nemis drama teatry Nurjol jeleginde qazaqtyń jer-ana tarıhyna, kóshpeli halyqtyń tynys-tirshiligi men Qazaqstan halqynyń kópulttylyǵyna arnalǵan perfomanstar usynady. 

Festıval barysynda Qazaqstanda ınklıýzıvti teatrǵa qoldaý kórsetýge erekshe nazar aýdarylady. Osyndaı ujymdardyń biri - Sergeı Sonnyń qýyrshaq teatry da óz repertýaryn usynady. 

Sonymen qatar, Qazaqstan men Eýropanyń tanymal dıdjeıleri - Narıman Isenov, Rýstam Ospanov, DJ Timoffey (Qazaqstan), DJ, mýzykant Dına Nurpeıisova (Germanııa-Qazaqstan), DJManuelI (Shveıtsarııa), DJ Simone (Italııa) qonaqtardyń mýzykalyq kóńil kúıin kóteredi.

Festıval 6 shildede QR Ulttyq mýzeıinde ótetin Astana Art Fest Gala Night sharasymen aıaqtalady. Qazaqstan, Shveıtsarııa jáne Ulybrıtanııanyń bıshileri reseılik mýzykanttarmen jáne rejısserlarmen Shyǵarmashylyq Adamnyń  paıda bolýy týraly ańyzdy kesh qonaqtarynyń nazaryna usynady.