«Astana -Jylý tranzıt» aktsıonerlik qoǵamyna 8 mıllıonnan astam teńgeniń aıyppuly salyndy
ASTANA. Qyrkúıektiń 29-y. QazAqparat - «Astana-Jylý tranzıt» aktsıonerlik qoǵamy ákimshilik jaýapqa tartyldy jáne oǵan 8 mıllıon 478 myń teńgeniń aıyppuly salyndy,
dep habarlady Tabıǵı monopolııalardy retteý agenttiginiń Astana qalasy boıynsha departamentinen.
Departament mamandary kásiporynnyń jumysyn tekserý barysynda tehnıkalyq jaǵdaıdyń kórsetilýi merzimderin buzý, rettelýshi qyzmetterge (taýarlarǵa, qyzmet kórsetýlerge) qoljetimdilik sharttaryn eriksiz tańý, sondaı-aq ýákiletti organmen kelispeı múliktik mámile jasaý faktilerin anyqtady.
«Astana-Jylý tranzıt» kompanııasynyń negizgi jumysy - jylý energııasyn berý jáne taratý bolyp tabylady.
