Astana jurtshylyǵy úshin sport ǵımarattary jetkiliksiz -Prokýratýra
ASTANA. 11 qańtar. QazAqparat - Elimizdiń Bas qalasynda jurtshylyq úshin sport ǵımarattary jetkiliksiz. Qazaqstan Respýblıkasy Bas prokýratýrasynyń tapsyrmasyna sáıkes qala aýmaǵynda ornalasqan sporttyq-saýyqtyrý keshenderine tekserý júrgizgen Astana qalalyq prokýratýrasy osyndaı qorytyndyǵa kelip otyr. Bul týraly qalalyq prokýratýranyń baspasóz qyzmetinen habarlandy.
Prokýrorlardyń tekserý nátıjeleri boıynsha elorda aýmaǵynda 25 sporttyq ǵımarat qyzmet etetini anyqtalǵan. Onyń 3-eýi vedomstvolyq bolǵandyqtan, qalǵan tek 22 nysan ǵana qala turǵyndaryna dene shynyqtyrý jáne sportpen aınalysý úshin qyzmetterin usyna alady. «Bul halyq sany jyl saıyn ósip kele jatqan qala úshin árıne jetkiliksiz. Máselen, astanalyqtar sany 2010 jyly 574,4 myń adamdy qurasa, 2012 jyldyń 1-qazanyndaǵy jaǵdaı boıynsha 770,4 myń adamǵa jetti. Qazirgi jaǵdaıda bul sport nysandary bir mezgilde 9851 adamdy ǵana qabyldaı alady. Bul turǵyndardyń jalpy sanynyń 1,2 paıyzyn ǵana quraıdy», - delingen baspasóz habarlamasynda.
