Astana jurtshylyǵy sabantoıdy toılady
Dástúrge aınalǵan merekege QR Parlamenti Májilisiniń depýtattary, Qazaqstan halqy Assambleıasynyń músheleri, qala ákimdiginiń ókilderi men etnomádenı birlestikterdiń basshylary qatysty. Sondaı-aq merekeden qala turǵyndary men qonaqtary da shet qalmady, dep habarlaıdy 24.kz.
Shara barysyndaǵy kontserttik baǵdarlamada ulttyq ánder shyrqalyp, bıler bılendi, sporttyq oıyndar da merekeniń kórigin qyzdyrdy. Molshylyq pen dostyqtyń, eńbektiń meıramy retinde toılanatyn sabantoı egis naýqanynyń aıaqtalýyna oraı ótkiziledi. Án men jyrǵa toly mereke álemdegi tatar dıasporasy bar elderdiń bárinde toılanady. «Bul tatar, bashqurt ultynyń ǵana emes, barsha halyqtyń meıramy dep esepteımiz. Qazir bul - alpys memlekette toılanatyn halyqaralyq mereke, aýylsharýashylyǵynyń meıramy», - deıdi QR eńbek sińirgen qaıratkeri Kámil Mýllashev.
