Astana jurtshylyǵy Amanjol Bólekbaevty sońǵy saparǵa shyǵaryp salady
ASTANA. 26 jeltoqsan. QazAqparat - Búgin, 26 jeltoqsanda Astanada saǵat 10.00 «Jastar» saraıynda saıası jáne qoǵam qaıratkeri Amanjol Bólekbaevty sońǵy saparǵa shyǵaryp salady.
Amanjol Qýanyshuly ómiriniń kóp jylyn elordanyń qurylysyna jáne damýyna arnaǵan. Qaıta qurý kezeńinde, qalanyń qalyptasýy barysynda ony qazirgi zamanǵa saı damyǵan kórikti qalaǵa aınaldyrý úshin kóp eńbek sińirdi.
Amanjol Bólekbaev 1941 jyly 1 qańtarda týǵan. 1981 jyly Tselınograd aýyl sharýashylyǵy ınstıtýtynyń mehanıkalyq fakýltetin támamdaǵan.
1987 jyly Amanjol Qýanyshuly Tselınograd qalalyq atqarý komıtetiniń tóraǵasy bolyp taǵaıyndaldy. 1992-1997 jyldar aralyǵynda qalany basqarǵan, Aqmola qalalyq ákimshiliginiń basshysy, Aqmola qalasynyń ákimi, Aqmola arnaıy ekonomıkalyq aımaǵynyń tóraǵasy bolǵan.
Qazaqstan Respýblıkasy Parlamenti ekinshi shaqyrylymynda Senat depýtaty bolyp saılanǵan.
Eýrazııa Ekonomıkalyq Qoǵamdastyǵy Parlamentaralyq Assambleıasynyń múshesi.
Polsha Respýblıkasynyń Senatymen, Koreıa Respýblıkasynyń Ulttyq Jınalysymen yntymaqtastyq tobynyń múshesi.
«Qurmet belgisi», "Qurmet" ordenderimen, tórt medalmen marapattalǵan. Astana qalasynyń qurmetti azamaty.
