Astana jurtshylyǵy Á. Moldaǵulovanyń 90 jyldyǵyn atap ótti
ASTANA. QazAqparat - Búgin Astanada Keńes Odaǵynyń batyry Á. Moldaǵulovanyń 90 jyldyǵyna arnalǵan merekelik shara bolyp ótti. Batyrdyń eskertkishiniń aldynda ótken saltanatty jıynǵa qala ákimdiginiń, Seıfýllın atyndaǵy QazATÝ ókilderi, stýdentter men mektep oqýshylary qatysty.
Shara barysynda batyr qyzdyń eskertkishine gúl shoqtary qoıylyp, taǵzym etildi.
«Bul kún Á. Moldaǵulovanyń týǵan kúni retinde ǵana emes, Uly Otan soǵysyna osy Aqmola óńirinen úsh birdeı dıvızııa attanǵan kún retinde de atalyp ótýi tıis. ıAǵnı 1941 jyly 20 sáýirde Aqmola garnızonynda 310-ynshy, 387-inshi jáne 29-ynshy atqyshtar dıvızııasy jasaqtalyp, olar birinen soń biri qan maıdanǵa attanǵan. Sol jaýyngerler de jeńis kúnin bir qadam bolsyn jaqyndatý úshin jandaryn pıda etti», - dep atap ótti L. Gýmılev atyndaǵy EUÝ professory, «Maıdan joly» izdestirý joryǵynyń komandıri Maıdan Qusaıynov.
Osyǵan baılanysty shara barysynda sol kezdegi maıdanǵa attanǵan jaýyngerlerdi qala halqynyń kóz aldyna ákelý maqsatynda sherý uıymdastyryldy. 70-ten astam qala mektepteriniń oqýshylar soǵys kezindegi atalarymyz kıgen áskerı kıimdermen shyǵyp, Á. Moldaǵulova eskertkishinen vokzal mańyna deıin bardy.
