Astana jurty Azııadada altyn alǵan bıatlonshy Kıreevti qarsy aldy

ASTANA. KAZINFORM – Astana jurty áýejaıdan qysqy Azııa oıyndarynda el qorjynyna bir altyn, bir kúmis medal salǵan bıatlonshy Vladıslav Kıreevti qarsy aldy. 

Астана жұрты Азиядада алтын алған биатлоншы Киреевті қарсы алды
Фото: Виктор Федюнин/ Kazinform

Qytaıdyń Harbın qalasynda ótken ІH qysqy Azııa oıyndarynda Vladıslav Kıreev bıatlonnan jekeleı synda chempıon atanǵan edi. Sondaı-aq Áset Dúısenov, Aleksandr Mýhın, Kırıll Baýer syndy úsh jerlesimen birge qatysqan komandalyq saıysta kúmis medal jeńip alǵan bolatyn.
Sportshy búgin tańerteń Ystanbuldan Astana áýejaıyna kelip qondy. Onda ony jankúıerleri, bapkerleri jáne BAQ ókilderi kútip aldy.

— Bıatlonnan Azııa oıyndarynda sprınttik jarystan altyn aldym, al estafetalyq jarysta kúmis buıyrdy. Jarys tartysty ótti. Keı sátterde nysanany kózdeýden múlt ketip jattym. Sol úshin aıyp aınalymy da berildi. Biraq ol da altynǵa degen umtylysymdy tejeı alǵan joq. Aqyry jeńis tuǵyrynan kórine aldyq, - deıdi bıatlonshy. 

Astana jurty Azııadada altyn alǵan bıatlonshy Kıreevti qarsy aldy
Foto: Vıktor Fedıýnın/ Kazinform

Sportshy búgingi tańda Almatyda áskerı boryshyn ótep jatyr eken. Bul jarysqa ol sarbazdyq mindetin óteı júrip daıyndalǵanyn aıtty. 

— Biz áskerge bara salysymen jas sarbazdyń qysqasha kýrsynan óttik. Ant qabyldadyq. Sodan soń bizdi daıyndalý úshin demalysqa jiberdi. Osylaı áskerı boryshymdy óteı júrip, Azııa oıyndaryna daıyndaldym. Osyndaı múmkindik bergen qolbasshylarǵa, Ortalyq sport klýbyna alǵys aıtamyn, - dedi Vladıslav Kıreev. 

Astana jurty Azııadada altyn alǵan bıatlonshy Kıreevti qarsy aldy
Foto: Vıktor Fedıýnın/ Kazinform

Sondaı-aq ol búgin Shvetsarııada ótken álem chempıonatynan kele jatqanyn aıtty. 

— Qytaıdan Eýropaǵa ushyp barý ońaı tıgen joq. Arada úlken qashyqtyq jatyr, odan bólek saǵat beldeýi de qatty qubylady. Osynyń áserinen Álem birinshiliginde jaqsy nátıje kórsete almadyq, - dedi bıatlonshy. 

Sóz sońynda Vladıslav elge oralǵanda munsha kóp adamnyń qarsy alyp, qurmet kórsetkenine rızashylyǵyn bildirdi.

Aıta keteıik, Azıadada altyn alǵan kúni Vladıslav Kıreev bizdiń agenttikke pikirin bólisken bolatyn.

Сейчас читают