"Astana" jýrnalynyń redaktsııasy qarııalarǵa qamqorlyq jasady
ASTANA. Qyrkúıektiń 30-y. QazAqparat. «Astana» jýrnalynyń redaktsııasy Almaty aýdanynyń jalǵyz basty zeınetkerler men múgedekterge áleýmettik kómek kórsetý bóliminiń kómegimen «Han Shatyr» oıyn-saýyq ortalyǵynda Qarttar kúnine oraı merekelik shara ótkizdi, dep habarlaıdy QazAqparat.
«Kúndelikti kúıbeń tirlikpen biz qarttarymyzdy qamqorsyz, nazarsyz qaldyramyz. Sharanyń maqsaty - qarttarǵa bir sát bolsa da qýanysh syılaý, astanalyqtardyń nazaryn aýdartý» - dedi Almaty aýdany ákimdiginiń áleýmettik kómek kórsetý bóliminiń meńgerýshisi Aıgúl Shalǵymbaeva.
Kelgen qarııalarǵa «Han Shatyr» oıyn-saýyq ortalyǵynyń ókili Olga Kabanıýk ekskýrsııa ótkizdi. Qonaqtar ǵımarattyń alyptyǵyna tańǵalyp, mundaı keremetti buryn-sońdy kórmegenderin aıtty. Olarǵa arnalyp «Fish market» meıramhanasynda tústik berildi, jas dáýren shaqtaryndaǵy áýender qoıyldy. «Han Shatyrda» ornalasqan «Nomad-Art» fırmasy syılyqtar, al «Astyqjan» saýda júıesi azyq-túlik salynǵan sebetter tartý etti.
