«Astana» jýrnaly Nursultan esimdi balalardyń arasynda doıby oıynynan jarys ótkizdi
sp;ASTANA. 2 maýsym. QazAqparat - Elordalyq «Astana» jýrnaly óziniń 10 jyldyq mereıtoıyna jáne Balalar kúnine oraı «Han shatyr» oıyn-saýyq ortalyǵynda Nursultan esimdi oqýshylardyń arasynda kóne túrkilik doıby oıynynan «Han shatyrda - Han doıby» atty jarys uıymdastyrdy.
Jarysqa on eki bala qatysty. Doıby básekesine qatysqandardyń barlyǵy bir jyl buryn osy Astana» jýrnalynyń uıymdastyrýymen ótkizilgen «Han shatyrda - Han doıby» jarysynda oıynnyń erejesin úırengen bolatyn.
Oıyndy jańǵyrtýshy azamat Ánýar Qabdoldaulynyń aıtýynsha, Han doıbysynyń ǵajaıyby - onyń kestesinde. Onda astronomııalyq ilimnen bastap pálsapa, ekonomıka, ǵylym, mádenıet, saıasat, memleket qurý júıesi, dala demokratııasy sııaqty taǵy basqa san alýan sala bir tuǵyrda toǵysady. Kerek deseńiz, on segiz myń ǵalamnyń tilin qazaqtyń sózinde sheship berýge negiz salady.
Baıaǵy baǵzy zamannan beri handardyń, bılerdiń, bekterdiń el basqarý, memleket qurý aqyldaryn syn tezine túsirip synaıtyn oıyn bul. Han doıbysy - jalpy on jyldan astam ýaqytta qazaqtyń rýhanııatyn qadala baǵyp baıqaýmen, san saraptap salystyrýdan paıda bolyp, jetilgen oıyn.
Bir jarym saǵatqa sozylǵan tartysty oıynnyń nátıjesinde Han doıbysyn jete meńgergen úsh jeńimpaz anyqtaldy:
I-oryn ıgeri - Nursultan Shıbıshevke bas júlde - teledıdardy «Astana» jýrnalynyń dırektory-bas redaktor Maqsat Táj-Murat tapsyrdy.
II-orynnyń ıegeri Nursultan Qapanovqa «Túgel» baspasóz klýbynyń prezıdenti Áıgerim Túgel uıaly telefon syılady.
III-oryndy jeńip alǵan Nursultan Júnisovke «Kar-Tel» (Beeline uıaly baılanys operatory) JShS Astana jáne Aqmola oblysyndaǵy fılıalynyń dırektory Musaǵalı Qalımusa USB-modem tartý etti. Sondaı-aq qalǵan qatysýshylarǵa da tartý-taralǵylar jasaldy.
Jarys-aktsııany «Han shatyr» oıyn-saýyq ortalyǵy qoldap, Qýyrshaqtar teatrynyń, Marat Omarovtyń «Talant» ortalyǵynyń, Astanadaǵy №2 Óner mektebiniń, №59 mekteptiń jas ónerpazdary óner kórsetti.
