Astana júrgizýshilerine kóktaıǵaq bolatyny eskertildi
ASTANA. QazAqparat - ІІD ákimshilik polıtsııa basqarmasy Astana joldaryndaǵy kóktaıǵaqqa baılanysty jolda abaı bolyp, jol qozǵalysy qaǵıdasyn qatań saqtaýǵa shaqyrdy, dep habarlady «QazAqparat» HAA tilshisi.
«Qaýipsiz qashyqtyqty, jyldamdyq rejimin saqtap, jol belgileri, avtoturaq jáne kólikter aıaldamasynyń nusqamasyn qatań oryndaý qajet, júrginshilerden joldan begilengen oryndar arqyly ǵana ótýin suraımyz», - dep habarlady elordalyq ІІB baspasóz hatshysy S. Qolyshbekova.
Atap ótsek, sınoptıkterdiń boljamynsha, Aqmola oblysynda jer-jerlerde jel 15-20 m/s-qa kúsheıip, túnde tuman túsip, kóktaıǵaq bolady. Astanada senbi kúni aýyspaly bult shyǵyp, túnde jáne tańerteń jaýyn-shashyn, tuman bolady. Aýa temperatýrasy túnde -3-5°S, kúndiz +1+3°S.
