Astana joldarynda jyldamdyq rejımine ózgeris engizildi
Qalalyq Polıtsııa departamentiniń málimetine sáıkes, Máńgilik el dańǵyly ýchaskesinde Uly dala kóshesinen Qabanbaı batyr dańǵylyna deıin jáne keri baǵytta jyldamdyq rejımi ózgertildi. Buryn atalǵan ýchaskede turǵyn jáne ákimshilik qurylystardyń bolmaýyna baılanysty kóliktiń eń joǵary jyldamdyǵy saǵatyna 80 shaqyrymǵa deıin belgilengen edi.
Qazirgi ýaqytta birqatar turǵyn úı kesheni men servıs nysandarynyń salynyp, paıdalanýǵa berilýine oraı jol qaýipsizdigin qamtamasyz etý maqsatynda jyldamdyq saǵatyna 60 shaqyrymǵa deıin tómendetilgen.
Sonymen qatar, jyldamdyq rejımi «Baǵystan» turǵyn alabynan Ońtústik aınalma jolǵa deıingi Anyraqaı kóshesiniń ýchaskesinde ózgertildi. Bul ýchaskede eń joǵary jyldamdyq saǵatyna 80 shaqyrym bolyp belgilendi.
«Kólikti atalǵan ózgeristerdi nazarǵa alyp, Qazaqstan Respýblıkasynyń jol qozǵalysy erejelerin saqtaı otyryp júrgizýdi suraımyz. Atalǵan barlyq ýchaskede jol qozǵalysy erejelerin buzýshylyqtardy, onyń ishinde jyldamdyq rejımin tirkeıtin «Sergek» kameralary jumys isteıdi», - dep eskertedi departamentten.
