Astana joldarynda júretin polıtsııa jasaqtarynyń sany artady
ASTANA. QazAqparat - Júrgizýshiler arasynda kólik tártibin arttyrý jáne jol-kólik oqıǵalarynyń sanyn azaıtý, sonymen qatar jolda júrý erejeleriniń buzylýynyń aldyn alý maqsatynda 25 jáne 27 shilde aralyǵynda Astanada «Qaýipsiz jol» jedel-aldyn alý sharasy ótedi, dep habarlady Astana q. ІІD Jergilikti polıtsııa qyzmetinen.
«Qaýipsiz jol» jedel-aldyn alý sharasy aıasynda Jergilikti polıtsııa qyzmeti birqatar reıdtik jáne aldyn alý sharalaryn ótkizýdi josparlaǵan.
Negizinen jaıaý júrginshilerdiń jol erejesin buzýyn anyqtaýǵa jáne oǵan tosqaýyl bolýǵa nazar aýdarady. Shara kezinde avtojoldardaǵy patrýl jasaqtarynyń jıiligi artady.
Astanada jyl basynan jol-patrýldik polıtsııa polki jolda júrý erejelerin buzýdyń 77 myńnan astam faktisin anyqtady. Sonyń 70 myńyn júrgizýshiler buzǵan. Belgilenbegen jerden jolda ótken 7 myńǵa jýyq jaıaý júrginshi ákimshilik jaýapkershilikke tartyldy.
