Astana joldarynda tórtinshi jyl qatarynan jol-kólik oqıǵalary azaıyp keledi
ASTANA. 14 qańtar. QazAqparat /Qanat Qulshymanov/ - Profılaktıkalyq sharalardyń nátıjesinde, elordalyq ınspektorlar jol-kólik oqıǵalarynyń sanyn tómendetýge qol jetkizip otyr.
Astana joldarynda osymen tórtinshi jyl qatarynan jol-kólik oqıǵalary azaıyp keledi, dep habarlady qalalyq jol polıtsııasy basqarmasynyń baspasóz qyzmetinen.
Atap aıtqanda, eger 2006 jyly 651 jol-kólik oqıǵasy tirkelse jáne olardyń saldarynan 127 adam qaza bolyp, 830 adam jaralansa, 2007 jyly - 506 jol-kólik oqıǵasy tirkelgen, olardyń saldarynan 109 adam kóz jumyp, 607 adam jaralanǵan. Al 2008 jyly - 382 jol oqıǵasy oryn alyp, olarda 81 adam qaıtys bolǵan, 400 adam jaralansa, 2009 jyly - 372 jol-kólik oqıǵasynda 60 adam kóz jumǵan, taǵy 389 adam túrli jaraqat alǵan.
Al ótken jyly elorda joldarynda 370 jol oqıǵasy bolǵan, olarda 59 adam kóz jumyp, 373 adam jaralanǵan.
