Astana joldarynda 4 adam kóz jumdy: Ákim oqıǵalardyń sebebin saralaýdy tapsyrdy
ASTANA. QazAqparat - Astana qalasynda ótken aptada jol apattarynan 16 adam zardap shegip, 4 adam qaza boldy. Ákimdikte ótken keńeste shahar basshysy Áset Isekeshev atalǵan oqıǵalardyń oryn alýyn saralaýdy tapsyrdy, dep habarlady medıa ortalyqtan.
Keńes barysynda astanadaǵy krımınogendik jaǵdaı jáne quqyqtyq tártipti qamtamasyz etýge baǵyttalǵan is-sharalar boıynsha qalalyq Іshki ister departamentiniń basshysy Marat Qojaev esep berdi.
«Ókinishke qaraı, osy aptada jol-kólik apattarynyń sany artyp otyr. Jalpy, ótken aptada 11 fakti tirkelip, saldarynan 16 adam túrli deńgeıdegi jaraqattar aldy jáne eki iri jol-kólik apatynan 4 adam qaza tapty. Al tańǵy saǵat 8:00-de áýejaıǵa barar jolda qyzdy kólik qaǵyp ketti. ІІD jedel-tergeý toby tez arada oqıǵa ornyna jetti», - dedi M. Qojaev.
Astana qalasynyń ákimi Áset Isekeshev qalalyq ІІD basshysyna sońǵy jol apattarynyń sebepterin saralap, olardy joıý boıynsha usynystar engizýdi tapsyrdy.
«Qaýipti jol ótkelderin joıý boıynsha jumystardy jedeldetip, bul máseleni tez arada sheshý kerek», - dedi Astana ákimi.
Sondaı-aq keńes barysynda qoǵamdyq qaýipsizdik, kóshe tazalyǵy jáne jylytý maýsymyna qatysty máseleler qarastyryldy.
