Astana joldaryna úsh myńnan astam beınekamera ornatylady
ASTANA. QazAqparat - Jol qozǵalysy qaýipsizdigin qamtamasyz etý maqsatynda Astana qalasynda aǵymdaǵy jyly 3 myńnan astam beınebaqylaý quraldary ornatylady, dep habarlaıdy astana.kz
«Astana innovations» AQ habarlaýynsha, elordada kóshe qıylystary men tas joldarda beınetirkeý qurylǵylaryn ornatý jáne iske qosý boıynsha jumystar júrgizilýde. Atalmysh qurylǵylar joǵary jyldamdyqty ǵana emes, belgilenbegen jerlerge kólikterdi qoıý, jol bóletin syzyqtardy kesip ótý, qarama-qarsy baǵytqa shyǵyp ketý tárizdi ereje buzýshylyqtardy da tirkeıdi. Kameralardyń joǵary sapasy kóliktiń memlekettik nómirlerin 100 metr qashyqtyqta, al ınfraqyzyl jaryqtar arqyly túngi ýaqytta 50 metr qashyqtyqta anyqtaýǵa múmkindik beredi. Beınetaldaý júıesi tirkelgen beınekórinisti operatorǵa jiberedi, tirkelgen jazbalar ereje buzýshylyq dep tanylǵan jaǵdaıda ol ІІD-ine joldanady. Bolashaqta atalmysh qurylǵylar izdeý jarııalanǵan kólikterdi avtomatty túrde izdeýge, jol keptelisin baqylaýǵa múmkindik beredi dep kútilýde.
