Astana joldaryna tolyp qalǵan sýdyń kesirinen polıtseıler kólik qozǵalysyn retteý úshin qıylystarǵa shyǵa almaı tur
ASTANA. 31 shilde. QazAqparat - Astana qalasynyń kóshelerinde burshaq aralas jaýǵan nóserli jańbyrdyń saldarynan kólik qozǵalysyna kedergi keltirilip, keptelister oryn alýda, dep habarlady agenttiktiń tilshisi.
Qalanyń keıbir aýdandarynda joldarda jınalyp qalǵan sýdyń tereńdigi 60 sm-ge deıin jetedi. Júrgizýshiler «Ramstor» SO aýdanynyń astyndaǵy kópirdi aınalyp ótýge tyrysýda. Al sýdyń ishine boılap ketken kólikter ári qaraı júre almaı tur. Tipti júk kólikterdiń ózi bul sýdy eńsere almaýda.
Sondaı-aq quıyp ótken jańbyrdyń saldarynan qazirgi ýaqytta Astananyń birqatar qıylystarynda baǵdarshamdar jumys istemeı tur. Tizege deıin keletin sýdyń jáne de kólik qozǵalysynan kóterilgen «tolqyndarǵa» baılanysty, jol qozǵalysyn retteıtin polıtsııa qyzmetkerlerine qıylystardyń ortasyna shyǵýǵa ázirge múmkindik bolmaı tur.
