Astana joldaryn jóndeýge otandyq bıtým qoldanylady
ASTANA. QazAqparat - Astanada jol jabynyn tóseýge sapasy jaqsartylǵan otandyq bıtým qoldanylady. Bul týraly búgin elorda ákimdiginde ótken baspasóz máslıxatynda «Astana qalasynyń avtomobıl joldary basqarmasy» MM basshysy Ashat Qaraǵoıshın málim etti.
«Jol jabynyna qajetti bıtým Reseıden tasymaldanbaıdy. Pavlodar qalasynda óndirilgen túrlendirilgen bıtým qoldanylady. Iá, bastapqyda esh qospasyz bıtým óndiretin. Al qazir jańartylǵan, túrlendirilgen ónimdi qoldanamyz. Onyń sapasy úsh jyldan bes jylǵa deıin shydaıdy», - dedi Qaraǵoıshın.
Eske sala ketsek, EXPO-2017 halyqaralyq kórmesine daıyndyq barysynda Astana qalasyndaǵy jol jóndeý jumystaryna 5,5 mıllıard teńge bólindi. Sondaı-aq, sáýir-mamyr aılarynda sol jaǵalaýdaǵy 11 kóshede, oń jaǵalaýdaǵy 3 kóshede jol jabynyn jóndeý jumystary júrgiziledi jáne birqatar kósheler ýaqytsha jabylady.
