«Astana» jol talǵamaıtyn kóligi «Dakar-2013» rallıinen shyǵarylyp tastaldy
ASTANA. 16 qańtar. QazAqparat - Aıdyn Raqymbaev jáne Ǵabdolla Áshimovtyń «Astana» ekıpajynyń jol talǵamaıtyn kóligi - MEBAR M440 «Dakar-2013» rallı-marafonynyń jarys jolynan alyndy,
dep habarlady Vesti.kz saıty. Jarysqa qatysýyn qazaqstandyq ózge «jup» - Baýyrjan Isabaev pen Dmıtrıı ıÝgaı jalǵastyrýda.
Jarystyń toǵyzynshy kezeńinde 410-shy nómirli qazaqstandyq kóliktiń artqy beldigi julynyp qaldy. Aqaý joıylyp, kólik jarysty jalǵastyrdy. Biraq onynshy kezeńniń sóresine jetken kezde uıymdastyrýshylar kóp ýaqytty joǵaltqandaryn jeleý etip, Raqymbaev pen Áshimovty jarys jolynan shyǵarý sheshimin qabyldady.
Kordobadan La-Rıohaǵa deıin qashyqtyq 632 shaqyrymdy qurady.
Birinshi bolyp márege BMW kóliginde argentınalyq Orlando Terranova jetti. «Astananyń» basqa ekıpajy Isabaev pen ıÝgaı kezeńdi 74-shi orynda aıaqtady. Olar jalpy esepte 52-shy orynǵa turaqtady. Jalpy esepte rallı-marafonda qatarynan on ret jeńimpaz atanǵan frantsýzd Stefan Peteransel kósh bastap keledi.
Esterińizge sala keteıik, «Dakar» rallı-marafony 5-shi ret Ońtústik Amerıkada ótýde. Qatysýshylar 4 kezeńnen ótip, jarysty Chılı astanasy Santıagoda aıaqtaıdy.
