Astana-Jitiqara baǵytynda poıyz júretin boldy

ASTANA. QazAqparat – 3 qyrkúıekten bastap «Jolaýshylar tasymaly» AQ «Astana-Jitiqara» jańa temirjol jolaýshylar qatynasyn iske qosady. Bul baǵyt Qostanaı oblysy turǵyndarynyń ótinishteri boıynsha uıymdastyrylǵan, dep habarlaıdy QazAqparat «Qazaqstan temir joly» UK» AQ baspasóz qyzmetine silteme jasap.

«Astana-Jitiqara» baǵyty boıynsha júretin vagondar 104 orynǵa eseptelgen jáne kún ara qatynaıtyn bolady.

«Nurly jol» vokzalynan taq kúnderi saǵat 19:40-ta jóneltilip, «Jitiqara» stantsııasyna jup kúnderi saǵat 15:56-da jetedi.

Jitiqaradan saǵat 18:14-te jup kúnderi keri qaıtyp, taq kúnderi elordaǵa saǵat 12:46-da keledi. Poıyz marshrýty Kókshetaý jáne Qostanaı qalalary arqyly ótetin bolady.