Astana — Jezqazǵan baǵytyndaǵy Talgo poıyzy Qyzylordaǵa deıin baratyn boldy

ASTANA. KAZINFORM — 14 jeltoqsannan bastap «Jolaýshylar tasymaly» AQ Talgo № 65/66 «Astana — Jezqazǵan» poıyzynyń baǵytyn Qyzylordaǵa deıin uzartady. Jańa baǵyt eldiń ortalyq jáne ońtústik óńirlerin tikeleı baılanystyrady. Bul týraly «Jolaýshylar tasymaly» AQ baspasóz qyzmeti málimdedi.

— «Astana — Qyzylorda» poıyzy kúnara qatynaıdy. Bul baǵytta bir saparda 400-den astam jolaýshy tasymaldanady. Baǵytta jaıly Talgo vagondary qoldanylady. Múmkindigi shekteýli jandar úshin 50% jeńildikpen arnaıy beıimdelgen oryndar qarastyrylǵan, — delingen habarlamada.

Kompanııanyń dereginshe, baǵyttyń uzarýy jol júrý ýaqytyn standartty poıyzdardan 7 saǵatqa qysqartýǵa múmkindik beredi. Bul óz kezeginde elimizdiń iri óńirleri arasyndaǵy kólik qatynasyn turaqtandyryp, jolaýshylardyń qysqy maýsymdaǵy saparyn edáýir arttyrady.

Bıletterdi bilet.railways.kz resmı saıtynan jáne temirjol vokzaldarynyń bılet kassalarynan satyp alýǵa bolady. Qosymsha aqparatty 1433 tegin nómiri arqyly bilýge bolady. Poıyzdardyń naqty kelý jáne jóneltý ýaqyty týraly aqparat https://tablo-railways.kz/ru/ onlaın-tablosynda qoljetimdi. 

Eske sala keteıik, buǵan deıin Almaty — Tashkent baǵytynda Talgo poıyzy qatynaıtynyn jazǵan edik.