Astana «Jer saǵaty» jahandyq aktsııasyn qoldaıdy
ASTANA. QazAqparat - Búgin, 29 naýryzda Astanada jergilikti ýaqyt boıynsha saǵat 20.30-da «Jer saǵaty» jahandyq aktsııasy ótedi.
Shara tabıǵatty saqtaýdyń, planetamyzdaǵy shekteýli resýrstarǵa qamqorlyq kórsetýdiń nyshany bolyp tabylady. Búgin belgilengen ýaqytta álemniń túrli elderindegi adamdar klımattyń ózgerýimen kúres ıdeıasyna qoldaý kórsetý úshin bir saǵatqa jaryqty sóndiredi. Aktsııaǵa Qazaqstannyń bas qalasy da qosylady. Bul týraly astana.kz saıtyna «Turaqty damý» Jer qorynan habarlady.
Aktsııa barysynda álem boıynsha planetanyń bolashaǵy úshin birikken is-qımyldardyń qajet ekendigin kórsetý úshin bir saǵatqa jaryq óshiriledi.
Ótken jyly aktsııaǵa álemniń 150 elinen 2 mıllıard adam qatysqan bolatyn. Jer saǵaty kezinde tanymal ǵımarattarda jaryq sóndiriledi. Bıyl olardyń qataryna Almaty qalasyndaǵy Kóktóbe telemunarasy, Astana-Báıterek monýmenti, Máskeý Kremli, Eıfel munarasy, Bıg Ben, Rım Kolızeıi jáne basqa da júzdegen ǵımarat enip otyr.
Astanada is-shara aıasynda qyzyqty baǵdarlama ázirlenedi, mýzykalyq ujymdar óner kórsetedi, bı dýmany uıymdastyrylyp, Qazaqstan tarıhynda alǵash ret eń kóp kólemde qaǵaz ushaqtar ushyrylady. Sonymen qatar, «Jer saǵaty» kezinde qatysýshylarǵa keremet tosyn syı jasalmaq.
Aıta keteıik, Qazaqstan aktsııaǵa resmı túrde 2009 jyly qosyldy, oǵan Astana men Almaty qalalary jáne 400 astam kompanııa qatysty. 2010 jyly "Jer saǵatyna" 126 memleketten 1,3 mıllıard adam men 4600 qala tartyldy. Al 2011 jyly atalǵan aktsııaǵa qatysýǵa 135 memlekettiń 5251 qalasy, 1,8 mıllıard adam nıet bildirdi. 2011 jyly shara barysynda 1059 tanymal eskertkishte, sonyń ishinde «Báıterek» monýmentinde jaryq óshirildi. Budan basqa, «Jer saǵaty» sharasyn Qazaqstannyń 60 qalasy qoldady. Astanada 54 astam ǵımaratta jaryq sóndirildi. Elimizdiń kóptegen qalalaryndaǵy ortalyq ǵımarattarda jaryqtandyrý óshirilip, túrli is-sharalar, konkýrstar men festıvaldar ótkizildi. Almatyda jarqyraǵan velojoryqtar uıymdastyryldy. Al 2012 jyly qatysýshylar bir saǵatqa jaryqty óshirip, Jer úshin ózderiniń shaǵyn erlikterin jasady.
Aıta keteıik, aktsııaǵa qatysatyn adamdar, qalalar men memleketter sany jyl saıyn artyp keledi.
Bıyl «Jer saǵaty-2014» qalalyq jasyl aımaqtardy abattandyrý jáne ormandy saqtaý men qalpyna keltirý maqsatynda «Aǵash otyrǵyzý kúni» qamqorlyǵymen ótedi.
