Astana «Jer saǵaty» ekologııalyq aktsııasyna qatysady

Bıyl aktsııaǵa elimizdiń barlyq iri qalalary qosylyp, kóshelerdegi shamdardy jáne bas sáýlet nysandarynyń jaryqtandyrylýyn óshiredi. Astanada «Báıterek» monýmenti, «Aqorda» Prezıdent rezıdentsııasy, Úkimet ǵımarattary jáne basqa da nysandardyń jaryqtandyrylýy óshiriledi, dep habarlaıdy elordanyń resmı saıty .

Buǵan qosa, barlyq qalalarda júzdegen adamdardyń qatysýymen qorshaǵan ornaty qorǵaý taqyrybynda fleshmobtar jáne velojarystar ótedi.

Atalǵan aktsııany jyl saıyn Dúnıejúzilik jabaıy tabıǵat qory naýryzdyń sońǵy senbileriniń birinde ótkizedi, oǵan sáıkes, belgilengen kúni búkil álem boıynsha adamdar bir saǵatqa elektr shamdaryn jáne basqa da elektr quraldaryn óshiredi.

«Jer saǵaty» - tabıǵatqa uqyptylyqpen qaraýǵa úndeıtin aktsııa, bul jer klımatyn saqtaý men onyń shekteýli qorlaryna qamqorlyqpen qaraýǵa qoǵamdyq úndeý sharasy.

Búgingi kúni «Jer saǵaty» adamzat tarıhyndaǵy eń úlken aktsııa bolyp tabylady. Alǵash ret bul shara 2007 jyly Sıdneı (Avstralııa) qalasynda ótkizilgen. Kelesi jyly jahandyq oqıǵany kóptegen memleketter qoldap shyqty: aktsııaǵa álemniń 35 memleketinen 100 mln-nan asa adam qatysty. Qazaqstan halyqaralyq aktsııaǵa 2009 jyly resmı túrde úles qosty. Ol kezde sharaǵa Astana jáne Almaty qalalary qatysqan bolatyn.