«Astana - jer betindegi ómir súrýge ǵana emes, kıno túsirýge de eń yńǵaıly qala» - respýblıkalyq basylymdarǵa sholý
***
«Egemen Qazaqstan» gazetiniń jazýynsha, keshe Aqordada Memleket basshysy Nursultan Nazarbaev XXX London jazǵy Olımpııa oıyndaryna qatysatyn Qazaqstan ulttyq quramasynyń múshelerin qabyldady. Saltanatty qabyldaýdyń sońynda Nursultan Nazarbaev elimiz ulttyq quramasynyń elimizdiń Olımpııa oıyndaryna aparatyn Memlekettik týyn komandanyń tý ustaýshysy - balýan Nurmahan Tinálıevke óz qolymen tabys etti. Osydan keıin sóz alǵan Nurmahan Tinálıev osynaý kórsetilip otyrǵan zor senim úshin Elbasyna alǵys sezimin jetkizdi. Ol Elbasynyń senimin, barsha eldiń senimin aqtaý úshin, kók týymyzdyń kók júzinde sharyqtap, ánuranymyz álemge shyrqalýy úshin, Qazaqstannyń kúshti jáne órkendegen memleket retinde dańqyn shyǵarý úshin qoldan kelgenniń bárin jasaýǵa daıyn ekendikterin jetkizdi.
***
«Alash aınasy» gazetiniń turaqty «Dat!» aıdarynda kınorejısser Egor Konchalovskıımen aradaǵy suhbat «Astana - jer betindegi ómir súrýge ǵana emes, kıno túsirýge de eń yńǵaıly qala» degen taqyryppen berilgen. Basylym tilshisiniń barlyq saýalyna tuşymdy jaýap bergen ol: «shyǵys shydamdylyqqa úıretedi. Al batys muny qabyldaı almaıdy. Batys ekspansııaǵa ıek artady, shydamdylyq, danalyq, óner - shyǵystyqtarǵa tán qasıet. Qysqasy HH ǵasyrdaǵy batys óneri shyǵystan nár alyp jatyr. Men shyǵystyq dertke tym erte shaldyqtym ba dep qorqamyn. Sebebi osyǵan deıingiler tek qarııalyqqa bet burǵanda ǵana shyǵysqa moıyn burǵan», - dedi.
***
Elbasymyz «Samuryq-Qazyna» ál-aýqat qoryna qarasty ulttyq kompanııalardyń aktsııalarynyń bir bóligin qarapaıym halyqqa satý arqyly elimizdegi ortasha tapty qalyptastyrý jónindegi ustanymyn júzege asyrýdy tıisti memlekettik mekemeler basshylaryna byltyr tapsyrǵan bolatyn. Sodan beri bir jyldan astam ýaqyt ótse de, tapsyrmany oryndaý merzimi keshigip jatyr. Osy jaıt arqaý bolǵan maqala «Aıqyn» gazetinde «ІRO talaby buzylmasyn» degen taqyryppen berildi. «Sońǵy málimetterge sensek, alǵashqy ІRO satylymy qyrkúıekten bastaý alatyn kórinedi.Bul da kóńilge qýanysh ornyqtyrǵandaı. Desek te ІRO satylymyn uıymdastyrýshylar men Parlament depýtattarynyń sońǵy kezdesýlerinen keıin sol qýanyshty kóńilge qaıtadan kúdik uıalaǵandaı áserde qaldyq. Sebebi bir depýtatymyz bylaı dep shyqty: «Aktsııalardy zeınetaqy qorlarynyń tabystylyǵyn kóterý úshin solarǵa satý durys emes». Árıne, ІRO satylymy bastalǵan joq. Desek te depýtattyń álgi sózi osy ІRO satylymyn uıymdastyrýshylar oıynda aktsııalardyń bir bóligin jınaqtaýshy zeınetaqy qorlaryna «ornalastyrý» esebi bolǵan syńaıly. Bul endi «iship toımaǵan jalap toımaıdynyń» bir kórinisi ekeni daýsyz»,- dep jazady basylym.
Qazir buryn-sońdy estimegen azyq-túlik, qurylys materıaldary, turmystyq buıymdar, jıhazdar men kólikter, taǵy basqa zattar kóbeıip ketti jáne olardyń óz ataýlary bar. Mine, sol qajettilikti óteýshilerdiń barlyǵynyń arǵy jaǵynda óndirýshi seriktestikter men kompanııalar tur. Olardyń birazynyń aty sizdiń qulaǵyńyzǵa sińisti, tipti, júrek qalaýyna aınalǵandary da jetkilikti.Alaıda ózińiz taýaryn tańdap alǵan kompanııa ataýynyń nege baılanysty qoıylǵanyn nemese neni bildiretindigin bilesiz be? Bilgińiz kelse «Aıqyn» gazetindegi «Bizge jumbaq brendter» degen taqyrypqa zer salyńyz.
***
Álemdik arenadaǵy kınojuldyzdardyń ishinen óz kórermeni bar talantty ártisterdiń biri Vensan Kassel Astana toıyna oraılas ótkizilgen ekshn-fılmder festıvaliniń qurmetti qonaǵy retinde qazaq jerine qadam basqan bolatyn. Osy tanmal aktermen «Nur Astana» gazeti shaǵyn suhbat jasaǵan. Basylym tilshisiniń barlyq saýalyna tuşymdy jaýap bergen akter. «Ekshn-fılmder festıvaline shaqyrtý túskende, ne dep jaýap bererimdi bilmedim. Keıinnen Tımýrdyń esimin esitgennen soń, «Túngi sholǵynshy» jáne «Kúndizgi sholǵynshy» fılmderin súıip kóretin kórermen retinde bul usynys qyzyqtyrdy. Astanalaryńyz unady, dalaly jerde salynǵanymen, bolashaǵy bar», - deıdi.
«Qazaqstanda apatty úıler Túrkııa úlgisimen súriletin bolady», - dep jazady «Lıter» gazeti. Basylymnyń atap ótýinshe, jobaǵa sáıkes, salynǵan úılerdiń 30 paıyzy súriletin úılerdiń turǵyndaryna berilip, al qalǵan 70 paıyzy naryqtyq baǵamen saýdalanady. Osy maqsattarǵa 2012-2013 jyldary elordaǵa 40 mlrd. Mańǵystaý oblysyna 2013-2014 jyldarǵa 10 mlrd. teńge bólý josparlanyp otyr.
***
«Kazahstanskaıa pravda» gazetiniń jazýynsha, qurylysy byltyr bastalǵan «Beıneý-Bozoı-Shymkent» gazqubyrynyń qurylysy 2015 jyly tolyǵymen paıdalanýǵa berilmek. Osy joba óz jolynda jatqan Aqtóbe, Qyzylorda, Ońtústik Qazaqstan oblystaryna qarasty 523 eldi mekenge gaz jetkizip qoımaı, Almaty qalasnyda «kógildir otymen» tolyqtaı qamtamasyz etpek.
