Astana qalalyq jedel járdem stansasynyń basshysy ustaldy - Antıkor
Sybaılas jemqorlyqqa qarsy qyzmet astanalyq jedel járdem stansasynyń basshysy ustalǵanyn rastady, dep habarlaıdy Kazinform.
Sybaılas jemqorlyqqa qarsy qyzmet Astana qalasy boıynsha departamentiniń qyzmetkerleri «Qalalyq jedel medıtsınalyq járdem stantsııasy» ShJQ MKK basshysy Murat Orazbaevty ustaǵan.
«Qalǵan málimet QR QPK 201-babyna sáıkes jarııalanbaıdy» dep málimdedi agenttikten.
Murat Orazbaev 1976 jyly 9 qazanda Qyzylorda qalasynda dúnıege kelgen.
2000 jyly Aqtóbe memlekettik medıtsına akademııasynyń hırýrgııa boıynsha dárigerlerdi jetildirý fakýltet ınternatýrasyn bitirdi. Eńbek jolyn 2000 jyly Qyzylorda oblysy Jalaǵash aýdandyq ortalyq aýrýhanasynyń dáriger-hırýrg bolyp bastady.
2011 jyly aýrýhana basqarýdaǵy iskerlik ákimshilik magıstri akademııalyq dárejesi berildi (MD MBA).
Densaýlyq saqtaýdy uıymdastyrýshy-dárigerdiń, toksıkolog — dárigerdiń joǵary biliktilik sanaty jáne anestezıolog-reanımatolog-dárigerdiń sertıfıkaty bar.
«Qazaqstan Respýblıkasynyń Densaýlyq saqtaý isiniń úzdigi», «Densaýlyq saqtaýdy damytýǵa qosqan úlesi úshin», «Jedel járdemniń úzdik qyzmetkeri» belgilerimen marapattalǵan, «Qurmet» ordeniniń ıegeri.
