Astana jastaryna áskerde kelisimshartpen qalaı jumys isteýge bolatyny túsindirildi

ASTANA. QazAqparat - Búgin Astana qalalyq qorǵanys isteri jónindegi departament qyzmetkerleri halyqqa kelisimshart boıynsha áskerde qyzmet etý jóninde aqyl-keńes berdi, dep habarlaıdy QazAqparat QR qorǵanys mınıstrliginiń baspasóz qyzmetine silteme jasap.

Olar turǵyndar arasynda áskerı qyzmetke ornalasý tártibi, kelisimshartty qashan jáne qansha ýaqytqa jasaýǵa bolady, áskerı oqý oryndaryna qalaı túsýge bolady, jalaqy kólemi, áskerı medıtsınalyq mekemelerdegi tegin medıtsınalyq qyzmet jáne áskerı qyzmetshiler men zeınetkerlerge beriletin basqa da áleýmettik kepildikter týraly konsýltatsııa júrgizdi.

Sonymen qatar, is-shara uıymdastyrýshylary jańa turǵyn úı zańnamasy, áskerı qyzmetkerler men Qarýly kúshter zeınetkerlerin baspanamen qamtý mehanızmin jáne turǵyn úı tólemaqysyn paıdalaný tártibin túsindirdi.



Aqparattyq-nasıhattyq is-shara nátıjesinde 26 jas Astana qalalyq qorǵanys isteri basqarmasyna áńgimelesýge shaqyryldy.