Astana jastary jumysqa ornalasý jóninde aqyl-keńes ala alady
ASTANA. QazAqparat - 20 jeltoqsan kúni Astana qalasy ákimdiginiń «Astana jastary» mekemesi «Jumyspen qamtý jáne áleýmettik baǵdarlama jol kartasyn» júzege asyrý aıasynda jergilikti atqarýshy organ ókilderiniń qatysýymen jastarǵa konsýltatsııalyq kómek kórsetý boıynsha is-shara uıymdastyrady. Bul týraly vedomstvonyń baspasóz qyzmetine silteme jasaı otyryp, QazAqparat habarlaıdy.
Іs-shara «Azııa Park» saýda ortalyǵynda jumyskerler men saýda ortalyǵynyń kelýshileri úshin ótkiziledi. Árbir azamat kókeıindegi suraǵyn qalalyq qoǵamdyq densaýlyq saqtaý basqarmasy, «Azamattarǵa arnalǵan úkimet» memlekettik korporatsııasy», Jumyspen qamtý ortalyǵy, Medıatsııany damytý ortalyǵy jáne taǵy basqa mekeme ókilderine qoıa alady. Sonymen qatar, kásibı zańger men psıholog maman konsýltatsııa júrgizedi.
«Іs-sharany ótkizýdegi maqsat - jastardy qazirgi ýaqytta júzege asyrylyp jatqan jáne jastarǵa baǵyttalǵan memlekettik baǵdarlamalarmen tanystyrý jáne qala turǵyndaryna jeke suraqtar boıynsha aqyl-keńes berý» delingen habarlamada.
Aıta keteıik, konsýltatsııa erteń saǵat 15:00-de «Azııa Park» saýda jáne oıyn-saýyq ortalyǵynda ótedi.
