Astana jastary zańsyz tógilgen qoqystan tigilgen kıimderdiń sán kórmesin ótkizdi
ASTANA. QazAqparat – «Jańa adamdar» jastar qozǵalysy Astanada zańsyz tógilgen qoqystan tigilgen kıimderdiń sán kórmesin ótkizdi, dep habarlaıdy QazAqparat tilshisi.
«Jańa adamdar» jastar qozǵalysynyń málimeti boıynsha, Astanada 500-den astam zańsyz qoqys tógetin oryn bar.
Qozǵalys belsendileri turǵyndardyń nazaryn osy problemaǵa aýdarý úshin Jetisu turǵyn úı kesheniniń aldyndaǵy qoqys alańynda «Trash Fashion Day» sán kórsetilimin júrgizdi.
Posmotret etý pýblıkatsııý v Instagram
«Qoqys qaldyǵynan tigilgen ár kıimniń úlgisi ekologııalyq apatty beıneleıdi.
Sondaı-aq, qala ákimdiginiń aldynda «Trash Fashion Day» fototúsirilimin uıymdastyrdyq.
Úılerdiń mańyndaǵy qoqys alańdary ózdiginen joǵalyp ketedi dep úmittenýge bolmaıdy. Ár adam qorshaǵan ortanyń jaqsarýyna óz úlesin qosa alady.
Búkil halyq, sonyń ishinde atqaminerler de, Astana qalasyndaǵy baıaý taralatyn ekologııalyq apatqa nazar aýdarmýy kerek», - deıdi qozǵalys belsendisi Baýyrjan Amanov.
