Astana jastary prezıdenttik saılaýdyń aıaqtalýyn saltanatty túrde atap ótti (FOTO, VIDEO)
ASTANA. QazAqparat - Búgin Astanadaǵy «Máńgilik El» monýmenti alańynda elorda jastary kezekten tys prezıdenttik saılaýdyń aıaqtalýyn saltanatty túrde atap ótti.
Atap aıtqanda, bul shara barysynda qazaqstandyq estrada juldyzdarynyń qatysýymen kontsert ótti. Sonymen qatar onda sahnada ornatylǵan teleekran arqyly tikeleı efırmen Demokratııa ınstıtýty barlyq óńirlerde jalpyulttyq exit-poll nátıjesin jarııalady.
Belgili bolǵandaı, N.Nazarbaevqa 97,5 paıyz saılaýshylar daýys berdi, sonymen qatar Ábilǵazy Qusaıynov - 0,63 paıyz, Turǵyn Syzdyqov - 1,87 paıyz daýys jınaǵan.
Saýalnama nátıjesine jınalǵan jastar men qoǵam qaıratkerleri, tanymal sportshylar qoshemet kórsetip, qazaqstandyqtardy saılaýǵa qatysqan belsendiligi úshin alǵystaryn bildirdi. Shara barysynda alańda otshashý men jastardyń fleshmoby uıymdastyryldy.
Munymen qosa, atalǵan monýment alańynan bastap biryńǵaı aq tústi kólik mingen qala jastary Qazaqstannyń Memlekettik Týyn kóterip, avtokólik sherýimen elorda kóshelerimen júrip ótti.
