Astana jastary memlekettik rámizderge uqypty qaraýǵa úıretpek
ASTANA. 4 maýsym. QazAqparat - QR Memlekettik rámizderiniń 20 jyldyǵyn elordalyq jastar velosherýmen atap ótti.
Aktsııaǵa shaıtanarbanyń 100-ge tarta áýesqoılary qatysýda. Sonymen qatar memlekettik baıraqty jelbirete taqqan velokolonnany avtokólikter bastap otyrdy. Velojarys «Báıterek» monýmentinen bastalyp, qalanyń Táýelsizdik alańynda ornalasqan «Qazaq eli» monýmenti mańynda márege jetti.
«Nur Otan» HDP Astana qalalyq fılıaly «Jas Otan» jastar qanatynyń atqarýshy hatshysy Anatolıı Dobrovolskııdiń aıtýynsha, atalmysh aktsııanyń úgit-nasıhattyq, sonymen birge tárbıelik máni bar.
«Biz árbir jas, respýblıkanyń árbir turǵyny elimizdiń memlekettik nyshandaryna syılastyqpen, yqylaspen ári uqypty qaraǵanyn qalaımyz. Adamdar olardyń búlinip, las jerde jatqanyn boldyrmaýy tıis. Biz óz Otanymyzdy odan da qatty súıip, memlekettik nyshandarymyzdy syılaýymyz kerek», - dedi ol.
