Astana jastary fleshmob ótkizedi

ASTANA. QazAqparat - Elordada 18 aqpanda saǵat 14:00-de «Azııa Park» saýda oıyn-saýyq ortalyǵynda 2017 jylǵy konstıtýtsııalyq reformalar baǵdarlamasyn qoldaýǵa arnalǵan fleshmob ótedi. Sharany uıymdastyrýshy - «Astana jastary» jastar resýrstyq ortalyǵy, dep habarlaıdy qalalyq ákimdiktiń baspasóz qyzmeti.

«Memleketimizdiń jas býyny konstıtýtsııalyq reformaǵa oń kózimen qaraıdy jáne ózgerister qoǵamda demokratııalyq úrdisterdi damytýmen qatar demokratııalandyrýǵa da óz múmkindigin beretinine senedi», - deıdi uıymdastyrýshylar.

Sharaǵa JOO-lar men kolledjderdiń stýdentteri, ulttyq kıim kıgen bıshiler men vokalıstter, elorda turǵyndary men qonaqtary qatysady.

Aıta keteıik, aǵymdaǵy jyldyń 25 qańtarynda Elbasy negizgi maqsaty Respýblıka Prezıdentiniń jekelegen ókilettiliginiń Úkimet pen Parlamentke ótýi bolyp tabylatyn kezekti konstıtýtsııalyq reformasyn jarııalady.

Tıisti shara 12 aqpanda «Kerýen» saýda, oıyn-saýyq ortalyǵynda da ótti. Oǵan aýla klýbtarynyń tárbıelenýshileri, «Astana Jastary» jastar resýrstyq ortalyǵynyń volonterlary men elordalyq jastar qatysty.